Wednesday, November 03, 2010

விட்டுட்டு போனாலே போதும்!

தூக்கித்தான் தரவேண்டாம்
தூசு தட்டி விடவேண்டாம்
ஆக்கித்தான் தருவனென
அடுப்படிக்கும் வரவேண்டாம் - எம்மை
விட்டிட்டு போனாலே போதும் - நெருப்பில்
வெந்த நிலம் விளைநிலமாய் மாறும்!!

மலிவுக்கு தரவேண்டாம்
மடை திறந்து விடவேண்டாம்
பொலிவுக்கு கிடைத்தெல்லாம்
பொருள் என்று கெடவேண்டாம் - எம்மை
விட்டுட்டு போனாலே போதும்- நெருப்பில்
வெந்த நிலம் விளைநிலமாய் மாறும்!

அன்பு காட்ட வரவேண்டாம்
அடிவருடி விடவேண்டாம்
தன்பாட்டில் கிடைப்பதெலாம்
தடை செய்து விடவேண்டாம் - எம்மை
விட்டுட்டு போனாலே போதும்- நெருப்பில்
வெந்த நிலம் விளைநிலமாய் மாறும்!

காவலரண் தரவேண்டாம்
காலனென வரவேண்டாம்
மோதலது முடிந்த பின்னும்
முழிவியளம் தரவேண்டாம் - எம்மை
விட்டுட்டு போனாலே போதும்- நெருப்பில்
வெந்த நிலம் விளைநிலமாய் மாறும்!









4 comments:

Ram Chandralingam said...

super, graet, class

வள்ளி மணாளன் said...

அருமை நண்பா அருமை!

Nishanthan said...

Very nice one!

greatB said...

வரிகளை விட ஆழமான கருக்களை ரசிக்கிறேன்